کیلیفورنیا (پاک صحافت) ناسا کی جانب سے مریخ کی سطح پر بھیجے گئے روور کو ایک سال مکمل ہوگیا۔ 18 فروری 2021 کو ناسا کا یہ ایس یو وی سائز کا پرزیورینس روور ’سات منٹ کے خطرناک مرحلے‘ کے بعد مریخ کی سطح پر اترا تھا۔ مریخ کے مدار میں پہنچنے کے بعد، پرزیورینس 19312 کلو میٹر فی گھنٹہ کی رفتار سے ایٹماسفیئر سے گزرا اور کامیابی سے سونک پیراشوٹ کر خود کی رفتار آہستہ کی تاکہ سطح ہر آسان لینڈنگ ہو سکے۔
تفصیلات کے مطابق روور پیراشوٹ کی مدد سے نیچے آیا، اس کا پچھلا خول علیحدہ ہو گیا اور اسکائی کرین مینیوور پرزیورینس کو نیچے لے کر آیا۔ پرزیورنس جزیرو گڑھے کی 820 فٹ گہری تہہ میں اترا۔ یہ مریخ کا خشک دریائی ڈیلٹا ہے جو 3.5 ارب سال قبل پانی سے بھرا ہوتا ہوگا۔ اس روور کا پہلا کام اور اس کے مشن کا پہلا حصہ انجینوئیٹی ہیلی کاپٹر کو اڑانا تھا۔ یہ پہلا طیارہ تھا جو کسی اور سیارے پر اُڑا اور اترا تھا۔
واضح رہے کہ مریخ پر اس سال کے دوران پرزیورنس چٹانوں کی تصاویر کھینچنے، ہیلی کاپٹر کی پروازوں کی نگرانی کرنے اور مریخی ہوا سے آکسیجن بنانے میں انتہائی مصروف رہا۔ مریخ پر زندگی کے آثار ڈھونڈنے سے قبل پرزیورنس کا پہلا کام اپنے آلات کی سیٹنگ کرنا اور آن بورڈ سسٹم کی آزمائش کرنا تھا۔