راولپنڈی (پاک صحافت) رہنما مسلم لیگ (ن) حنیف عباسی نے کہا کہ پی ٹی آئی والے راتوں کو معافی مانگتے، صبح پریس کانفرنس کرتے ہیں۔
تفصیلات کے مطابق کارکنوں سےخطاب کرتے ہوئے حنیف عباسی نے کہا ہے کہ بانی پی ٹی آئی نے ہمیشہ ذاتی مفاد کو قومی مفاد پر تر جیح دی، پی ٹی آئی دور میں کوئی ترقیاتی منصوبہ نہیں دیا گیا، وزیراعلی پنجاب ترقیاتی منصوبوں کو ترجیح دے رہی ہیں۔ ملک میں دشمن کی کوئی سازش کامیاب نہیں ہونے دیں گے۔
حنیف عباسی کا مزید کہنا تھا کہ نوجوان نسل ملکی تعمیر و ترقی اور خوشحالی کے لیے آگے بڑھیں، عوامی خدمت کا سفر جاری رکھیں گے، عوام کو سہولیات کی فراہمی ہماری ترجیح ہے۔ حکومتی اقدامات سے ملکی معیشت درست سمت میں گامزن ہے، سکیورٹی فورسز قیام امن کے لیے قربانیاں دے رہی ہیں، ایٹمی اور میزائل پروگرام عوام کا ہے وہی اس کی حفاظت کریں گے۔
انہوں نے کہا کہ ملکی سالمیت پر کوئی سمجھوتہ نہیں کیا جائے گا، یہ سب کمپرومائزڈ ہیں، پی ٹی آئی والے راتوں کو گڑگڑاتے اور معافی مانگتے ہیں اور صبح پریس کانفرنس کرتےہیں۔