paksahafat پاک صحافت
Related Articles
لاہور (پاک صحافت) مریم اورنگزیب کا کہنا ہے کہ عمران خان کی جانب سے پیٹرول اور بجلی کی قیمت میں کمی کا اعلان اپنی نوکری بچانے کی ناکام کوشش ہے لیکن اب ان کا گھر جانا یقینی ہے۔
تفصیلات کے مطابق مسلم لیگ ن کی ترجمان مریم اورنگزیب نے کہا ہے کہ تین سال میں 15 روپے بجلی بڑھائی اور آج نوکری بچانے کے لئے پانچ روپے سستی کر دی۔ تین سال میں پٹرول 70 روپے بڑھا کر نوکری بچانے کے کئے 10 روپے سستا کر دیا ہے یہ کمی عوام کے درد اور مسائل کے احساس کی وجہ سے نہیں بلکہ تحریک عدم اعتماد کے بڑھتے خوف کی وجہ سے ہے۔
مریم اورنگزیب کا مزید کہنا ہے کہ عمران خان پی پی پی کے 1970 کے اور مسلم لیگ ن کے 1990 کے اعداد و شمار استعمال کررہے ہیں۔ ن لیگ کے آخری دور حکومت میں مہنگائی 3.4 فیصد کی کم ترین سطح پر تھی، آج 20 فیصد سے زائد مہنگائی ہے، غریب لوگوں سے پوچھیں کہ مہنگائی کتنی ہے، ہندوستان، بنگلہ دیش اور سری لنکا کے مقابلے میں پاکستان میں مہنگائی دوگنا سے زیادہ ہے۔
