کراچی (پاک صحافت) رہنما پاکستان پیپلزپارٹی شرمیلا فاروقی نے کہا ہے کہ پنجاب والے چشمہ جہلم لنک کینال سے سندھ کا پانی چوری کرتے ہیں۔
تفصیلات کے مطابق شرمیلا فاروقی نے کہا ہے کہ مسلم لیگ (ن) کے ساتھ ہمارا ایک معاہدہ ہے، ہم گرین انیشی ایٹو پروگرام کے خلاف نہیں ہے، ملک میں بارشیں پہلے ہی کم ہوئی ہے، تین صوبوں میں قحط سالی پیدا ہوسکتی ہے۔ جب پنجاب کے پاس اپنا پانی نہیں ہوگا تو دریائے سندھ کا پانی چوری ہوگا، یہ پہلے بھی دریائے سندھ کا پانی چوری کرتے رہے ہیں، ہر سال سندھ اور پنجاب کا پانی پر جھگڑا شروع ہو جاتا ہے۔
رہنما پیپلزپارٹی شرمیلا فاروقی کا مزید کہنا تھا کہ سندھ میں چاول لگا رہے ہیں لیکن گزشتہ ایک ماہ سے سندھ میں پانی نہیں ہے، پنجاب والے چشمہ جہلم لنک کینال سے پانی چوری کرتے ہیں۔
انہوں نے کہا کہ کہ پانی ایسا معاملہ جس پر جنگیں ہوجاتی ہیں، سندھ میں ایسا بھی ہوتا ہے مردے کو نہلانے کے لیے بھی پانی نہیں ہوتا، ارسا آج تک پانی کی تقسیم کو منصفانہ نہیں بنا سکا، جب ملک میں پانی ہی نہیں تو نہریں کیسے بنیں گی۔