لندن (پاک صحافت) سابق وزیر خزانہ اسحاق ڈار نے کہا ہے کہ پاکستان واپسی کیلئے کسی لیگی رہنما کی اجازت نہیں چاہیے نواز شریف کا حکم کافی ہے۔ اسحاق ڈار نے کہا کہ مجھے تحریک انصاف کی حکومت نے انتقام کا نشانہ بنایا اور میرے خلاف ایک ہی کیس ہے جو جھوٹ پر مبنی ہے۔
تفصیلات کے مطابق لندن میں مقیم سابق وزیرِ خزانہ اور پاکستان مسلم لیگ (ن) کے رہنما اسحاق ڈار نے اپنے ایک بیان میں کہا کہ پاکستان واپسی کا فیصلہ نواز شریف کے کہنے پر کیا ہے، جولائی کے چوتھے ہفتے میں پاکستان جارہا ہوں۔ انہوں نے کہا کہ نیا پاکستانی پاسپورٹ مل چکا ہے اور ڈاکٹر نے بھی اجازت دیدی ہے۔
واضح رہے کہ اسحاق ڈار نے مزید کہا کہ میری وطن واپسی میں وزیراعظم شہباز شریف کی رضامندی شامل ہے جبکہ پاکستان واپسی کیلئے کسی لیگی رہنما کی اجازت نہیں چاہیے نواز شریف کا حکم کافی ہے۔ خیال رہے کہ سابق وزیر خزانہ اسحاق ڈار کو وزارت خزانہ کا قلمدان ملنے کا امکان ہے جس کے لیے انہوں نے جولائی کے پہلے ہفتے میں وطن واپس آنے کا فیصلہ کیا ہے۔