لاہور (پاک صحافت) رانا ثناءاللہ کا کہنا ہے کہ تحریک عدم اعتماد کے ذریعے قوم پر مسلط عذاب کو گھر بھجوانے کا بندوبست مکمل ہوچکا ہے، جلد خوشخبری سنائیں گے۔
تفصیلات کے مطابق مسلم لیگ ن پنجاب کے صدر رانا ثناءاللہ نے سماجی رابطے کی ویب سائٹ پر ایک بیان جاری کرتے ہوئے کہا ہے کہ عمران نیازی کے اقتدار کے دن پورے ہو چکے ہیں، عمران نیازی کو سرپرائز بس ملنے ہی والا ہے، بس آپ نے گھبرانا نہیں۔ قوم کو پیشگی مبارکباد پیش کرتا ہوں۔
رانا ثناءاللہ کا مزید کہنا ہے کہ تحریک عدم اعتماد کے لئے اپوزیشن جماعتوں کے پاس نمبرز پورے ہوچکے ہیں، بس کچھ دنوں کی بات ہے جس کے بعد نااہل و نالائق ٹولہ اپنے کپتان سمیت گھروں کو روانہ ہوں گے۔