paksahafat پاک صحافت
Related Articles
راولپنڈی (پاک صحافت) شمالی وزیرستان کے علاقے رزمک میں خفیہ معلومات کی بنیاد پر آپریشن کیا گیا، شدید فائرنگ کے تبادلے میں فتنہ الخوارج کے 3 خارجی ہلاک جبکہ ایک زخمی ہوگیا۔
ترجمان پاک فوج آئی ایس پی آر کے مطابق ہلاک خارجیوں کے قبضے سے بڑی تعداد میں ہتھیار اور گولیوں کو برآمد کر لیا گیا۔ خارجی سیکیورٹی فورسز کے خلاف دہشت گردی کی سرگرمیوں اور معصوم شہریوں کی ٹارگٹ کلنگ میں بھی ملوث تھے۔
آئی ایس پی آر نے مزید بتایا کہ باقی بچ جانے والے کسی ممکنہ خارجی کی تلاش کے لئے سینسیٹائزیشن آپریشن جاری ہے، ملک سے خوارج اور دہشت گردی کی لعنت کے خاتمے کے لئے سیکیورٹی فورسز پرعزم ہیں۔
Short Link
Copied
