اسلام آباد (پاک صحافت) مشیر وزیراعظم برائے سیاسی امور رانا ثناءاللہ کا کہنا ہے کہ سیاسی مذاکرات ہر چیز پر ہوسکتے ہیں، عمران خان ٹیبل پر بیٹھ کر راستہ نکالیں۔
تفصیلات کے مطابق رانا ثناءاللہ نے کہا ہے کہ اسٹیبلشمنٹ سیاسی ڈائیلاگ کےحق میں ہے، اگر مذاکراتی کمیٹی بنی بھی تو اس کے ممبران کے نام سامنے نہیں آئیں گے۔ مذاکرات ایک دوسرے کو جگہ دینے کا نام ہے، سیاسی مذاکرات ہر چیز پر ہوسکتے ہیں۔
رانا ثناءاللہ کا مزید کہنا تھا کہ وزیراعظم نے سیاسی ڈائیلاگ کی خود آفر کی ہوئی ہیں، سیاست میں مذاکرات سے ہی بات آگے بڑھتی ہے، مذاکرات کے ذریعے معاملات سلجھالیں تو تحریک انصاف کے لیے بہتر ہے، اگر کسی کی ضمانت ہونی ہے تو وہ سیاسی مذاکرات کے ذریعے نہیں ہوسکتی۔
مشیر وزیراعظم نے کہا کہ بانی پی ٹی آئی کے پاس سیاسی قیادت کے ساتھ بات کے علاوہ کوئی آپشن نہیں، عمران خان سیاسی جماعتوں کےساتھ ایک ٹیبل پر بیٹھیں اور آگے راستہ بنائیں، رولز آف گیم طے کریں، اس کے علاوہ کوئی راستہ نہیں۔