اسلام آباد (پاک صحافت) عقیل ملک کا کہنا ہے کہ جے یو آئی کے بغیر آئینی ترمیم ممکن مگر اس کے قائل نہیں ہیں۔
تفصیلات کے مطابق مشیر وزارت قانون و انصاف بیرسٹر عقیل ملک نے کہا ہے کہ آئینی عدالت بالکل بننی چاہیے، ترمیم کے حوالے سے چیزوں کو ڈسکشن کیا جا رہا ہے۔
انہوں نے کہا کہ جے یو آئی کے بغیر ترمیم ہوسکتی ہے مگر اس کے قائل نہیں، تحریک انصاف والے بہتر تجاویز نہیں دیتے، تحریک انصاف آئینی ترمیم نہ لانے کے لیے بضد ہیں۔
مشیر وزارت قانون و انصاف کا مزید کہنا تھا کہ ایس سی او سے پہلے یا بعد میں ترمیم ہو ایسا کوئی ایشو نہیں، ہم چاہتے ہیں کہ آئینی عدالتیں بنیں، چیف جسٹس آف پاکستان کا نوٹیفکیشن بھی آجائے گا۔