لاہور (پاک صحافت) وفاقی وزیر صنعت و پیداوار رانا تنویر حسین نے کہا ہے کہ جنید اکبر خفگی مٹانے کے لیے فاشسٹ زبان کا استعمال کررہے ہیں۔
تفصیلات کے مطابق کارکنوں سے گفتگو کرتے ہوئے رانا تنویر حسین نے کہا ہے کہ بانی پی ٹی آئی کی تمام تر تخریب کاری کے باوجود دوست ممالک پاکستان کے قریب آگئے، پاکستان بہتری کی طرف گامزن، پی ٹی آئی مثبت سیاست کرے۔ جنید اکبر خان وزیراعظم کے ذریعے چئیرمین پی اے سی بننے کی خفگی مٹانے کے لیے فاشسٹ زبان کا استعمال کررہے ہیں، سائفر سمیت کئی مقدمات اوپن کرنے کی ضرورت ہے۔
رانا تنویر حسین کا مزید کہنا تھا کہ عوام کو جلد انصاف کی فراہمی کے لئے اعلی عدلیہ میں ججز لگائے جا رہے ہیں، خوارج بیرونی فنڈنگ سے ملک کو کمزور کرنے کے لیے کوشاں ہیں۔ امریکہ کے ساتھ ہمارے اچھے تعلقات، دیگر ممالک کے ساتھ اقتصادی تنازع کے پاکستان پر کوئی منفی اثرات نہیں ہیں۔ وزیراعلی پنجاب مریم نواز صوبے میں بہترین کام کررہی ہیں، پنجاب مزید ترقی کرے گا۔
انہوں نے کہا کہ حقائق سامنے آنے پر پی ٹی آئی کا چہرا عیاں ہے، احسن اقبال نے آکسفورڈ یونیورسٹی میں سخت پروپیگنڈا کا سدباب کیا، پی ٹی آئی کے زہریلے پروپیگنڈا نے نوجوانوں کو ورغلایا۔