اسلام آباد (پاک صحافت) چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے دورہ روس کے دوران اہم ملاقاتیں کی ہیں۔
تفصیلات کے مطابق جنرل ساحر شمشاد نے روس کے نائب وزیر دفاع، ڈپٹی سیکریٹری سکیورٹی کونسل اور روسی ڈپٹی چیفس آف جنرل اسٹاف سے ملاقاتیں کی ہیں۔
ذرائع کے مطابق ملاقاتوں میں باہمی دلچسپی اور پیشہ ورانہ امور پر تبادلہ خیال کیا گیا۔ دونوں جانب سے عسکری اور ملٹری تیکنیکی تعاون کو فروغ دینے پر تبادلہ خیال کیا گیا۔
جنرل ساحر شمشاد مرزا اور روسی حکام سے ملاقاتوں میں علاقائی سیکیورٹی کی صورتحال اور انسداد دہشتگردی کے امور بھی زیر غور آئے۔