بانی پی ٹی آئی کو پیرول پر رہا نہیں کیا جائے گا۔ طلال چودھری

اسلام آباد (پاک صحافت) وزیر مملکت برائے داخلہ طلال چودھری نے کہا ہے کہ بانی پی ٹی آئی کو کو پیرول پر رہا نہیں کیا جائے گا۔

تفصیلات کے مطابق طلال چودھری نے کہا ہے کہ ڈونلڈ ٹرمپ نے اقتدار سنبھالتے ہی پاکستان کی کاوشوں کو سراہا، امریکا کے پاکستان کے ساتھ تعلقات میں کوئی فرق نہیں آیا، امریکی بل سے متعلق پی ٹی آئی والےخواب دیکھ رہے ہیں۔ تحریک انصاف کی خواہشات آج کے دن تک پوری نہیں ہوسکیں، امریکا کے کسی فرد نہیں ریاست کے ساتھ تعلقات ہے، پی ٹی آئی پاکستان کے خلاف لابنگ کررہی ہے، یہ تو کہتے تھے ٹرمپ کے حلف لینے سے پہلے ہی عمران خان باہر آجائیں گے۔

وزیر مملکت برائے داخلہ طلال چوہدری کا امریکی بل سےمتعلق سوال کے جواب میں کہنا تھا کہ تھوڑا سا انتظار کرلیں یہ صورتحال بھی ڈیفیوز ہوجائے گی، پی ٹی آئی ریاست کو بلیک میل کرکے اپنے مقاصد پورے نہیں کرسکتی، ہم بلیک میل نہیں ہوں گے۔ یہ کسی نہ کسی طریقے سے این آر او لینے کی بات کرتے ہیں، عمران خان کو پیرول پر رہا کرنے کی کوئی سوچ نہیں ہے، اور نہ ہی انہیں رہا کیا جائے گا۔

انہوں نے کہا کہ تحریک انصاف بطور جماعت قومی سلامتی کمیٹی میں شریک ہوسکتی ہے، وہ اپنی غلط فہمی دور کرلیں۔