اسلام آباد (پاک صحافت) الیکشن کمیشن آف پاکستان (ای سی پی) نے 14 سیاسی جماعتوں کو انٹراپارٹی الیکشن سے متعلق نوٹس جاری کر دیا۔
تفصیلات کے مطابق سیاسی جماعتوں کے انٹراپارٹی الیکشن کے معاملے پر الیکشن کمیشن نے سماعت مقرر کردی ہے۔ کاز لسٹ کے مطابق 14 سیاسی جماعتوں کے انٹراپارٹی الیکشن سے متعلق کیس کی سماعت 4 جنوری کو ہوگی۔
واضح رہے کہ الیکشن کمیشن کی جانب سے جن 14 سیاسی جماعتوں کو نوٹس جاری کیا گیا ہے، ان میں جمیعت علمائے پاکستان اور پاکستان مینارٹیز الائنس بھی شامل ہیں۔