اہم خبریں, پاکستان

آزادکشمیر انتخابات میں دھاندلی کی ویڈیو مریم نواز نے ٹوئٹر پر شیئر کردی

مریم نواز

لاہور (پاک صحافت) مریم نواز نے آزاد کشمیر کے ایک پولنگ اسٹیشن پر ہونے والی دھاندلی اور جعلی ووٹ کاسٹ کرنے کی ویڈیو اپنے ٹوئٹر اکاونٹ پر شیئر کردی ہے۔

تفصیلات کے مطابق مسلم لیگ ن کی نائب صدر مریم نواز نے سماجی رابطے کی ویب سائٹ پر ایک ویڈیو شیئر کی ہے۔ یہ ویڈیو فارورڈ کہوٹہ کے علاقے شیخ سولی پرائمری اسکول میں قائم پولنگ اسٹیشن میں مبینہ طور پر دھاندلی کی ہے۔ جہاں پولنگ افسران کی نگرانی میں جعلی ووٹ کاسٹ ہورہے ہیں۔

مریم نواز نے ویڈیو کے ساتھ لکھا ہے کہ یہ پولنگ عملے کی ویڈیو ہے جو پاکستان تحریک انصاف کے حق میں بیلٹ پر ٹھپے لگارہا ہے۔ یہی کام برابر میں لڑکیوں کے اسکول میں بنے پولنگ اسٹیشن پر بھی ہوا۔ یہ ویڈیو فرنٹیئر کانسٹیبلری (ایف سی) کے ایک اہلکار نے بنائی جو پولنگ عملے کو دھاندلی سے روک رہا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے