اسلام آباد (پاک صحافت) پیپلزپارٹی کے رہنما قمر زمان کائرہ کا کہنا ہے کہ مذاکرات کا معاملہ آگے بڑھنا چاہیے۔
تفصیلات کے مطابق قمر زمان کائرہ نے کہا ہے کہ سول نافرمانی غداری کے مرتکب ہونے والی بات ہوتی ہے، تھریٹ کر کے نہ چلیں، دونوں کو کھلے دل کے ساتھ بیٹھنا چاہیے جبکہ صدر مملکت آصف زرداری مذاکرات کا خیرمقدم کریں گے۔
انہوں نے کہا کہ بیرسٹر گوہر نے مثبت بات کی کہ شرائط نہیں ہونی چاہئیں تاہم، بانی پی ٹی آئی سے ملاقات کے بعد بیرسٹر علی ظفر نے کچھ شرائط کی بات کی، پی ٹی آئی اپنے لیے مشکلات پیدا کرکے اب مذاکرات کیلئے آگے آئی ہے۔
قمر زمان کائرہ نے کہا کہ حکومت کو اب مذاکرات کے معاملات آگے بڑھانے چاہئیں اور 9مئی اور 26 نومبر کو ایک طرف رکھ کر معاملات آگے بڑھنے چاہئیں۔
Short Link
Copied