سکھر (پاک صحافت) پاکستان پیپلز پارٹی کے رہنما اور سابق وفاقی وزیر سید خورشید شاہ کا کہنا ہے کہ 9 مئی واقعات پر پاکستان تحریک انصاف (پی ٹی آئی) کے چیئرمین کو بخشنا نہیں چاہیے۔ وہ ان تمام واقعات ملوث ہیں۔
تفصیلات کے مطابق سکھر میں میڈیا سے گفتگو کرتے ہوئے سینئر پی پی رہنما خورشید شاہ نے کہا کہ صادق سنجرانی نگران وزیراعظم بنے تو یہ مستقبل کی سیاست کی علامت ہو گی جب کہ جو نگران وزیراعظم بنے گا اس سے پتا چلےگا الیکشن کب ہوں گے۔انہوں نے کہا کہ شہباز شریف اور راجہ ریاض کوشش کریں معاملہ الیکشن کمیشن میں نہ جائے، آئندہ بھی اتحادی حکومت ہی بنے گی، کسی پر پابندی کے حق میں نہیں۔
واضح رہے کہ پی پی رہنما خورشید شاہ نے میڈیا سے گفتگو کرتے ہوئے سپریم کورٹ کے ریویو ایکٹ فیصلے پر انہوں نے کہا کہ سپریم کورٹ کا فیصلہ بدنیتی پرمبنی ہے جو قومی اسمبلی ختم ہونے پردیاگیا، انہیں ابھی بھی شاید پتا نہیں پارلیمنٹ کا ایک حصہ سینٹ موجود ہے۔