سیہون (پاک صحافت) مراد علی شاہ کا کہنا ہے کہ 8 فروری پیپلز پارٹی کی فتح کا دن ہوگا۔
تفصیلات کے مطابق سابق وزیراعلی سندھ اور پیپلز پارٹی کے سینئر رہنما سید مراد علی شاہ نے سیہون میں میڈیا سے گفتگو کرتے ہوئے کہا ہے کہ نواز شریف نے ملک واپس آنے میں بہت دیر کردی۔
مراد علی شاہ کا مزید کہنا تھا کہ عوام جانتے ہیں کون مشکل وقت میں ساتھ رہا اور کون ملک چھوڑ کر بھاگا۔ پیپلز پارٹی کے خلاف ماضی میں کئی اتحاد بنے اور ناکام ثابت ہوئے۔
انہوں نے کہا کہ اس مرتبہ سندھ میں ناتجربہ کار اتحاد بنانے کی کوشش کی گئی ہے۔ بشیر میمن پولیس والا ہے، جس کا سیاست کا اتنا تجربہ نہیں، 8 فروری پیپلز پارٹی کی فتح کا دن ہوگا۔
Short Link
Copied