اسلام آباد (پاک صحافت) وزیر توانائی خرم دستگیر کا کہنا ہے کہ 54 فیصد صارفین کے بجلی کے بلوں میں اضافہ نہیں ہوگا۔
تفصیلات کے مطابق وفاقی وزیر توانائی خرم دستگیر نے نجی ٹی وی چینل کے پروگرام میں گفتگو کرتے ہوئے کہا ہے کہ واپڈا میں کرپشن 450 ارب روپے سے کم ہے، واپڈا ملازمین کو ملنے والی مفت بجلی موجودہ حکومت ختم نہیں کرسکتی ،یہ اگلی حکومت کرے گی۔
خرم دستگیر کا مزید کہنا تھا کہ ابھی تک صارفین کو بجلی میں اضافے کے بل موصول نہیں ہوئے ہیں، ستمبر کے بلوں میں اضافہ لگ کر آئے گا۔ 3 روپے سے 7 روپے تک فی یونٹ بجلی مہنگی کی گئی ہے۔
انہوں نے کہا کہ 54 فیصد صارفین کے بجلی کے بلوں میں اضافہ نہیں ہوگا۔ ایک کروڑ 65 لاکھ صارفین کے بجلی کے بلوں میں اضافہ نہیں کیا جارہا ہے۔
Short Link
Copied