ہم نے مسلم لیگ ن کیساتھ اتحاد کیا تھا ضیاء کی باقیات کیساتھ نہیں۔ فیصل کریم کنڈی

لاہور (پاک صحافت) فیصل کریم کنڈی کا کہنا ہے کہ ہم نے مسلم لیگ ن کے ساتھ اتحاد کیا تھا ضیا کی باقیات کے ساتھ نہیں۔

تفصیلات کے مطابق پاکستان پیپلز پارٹی (پی پی پی) کے سیکرٹری اطلاعات فیصل کریم کنڈی نے پریس کانفرنس سے خطاب کرتے ہوئے کہا ہے کہ ہم نے مسلم لیگ ن کے ساتھ اتحاد کیا تھا ضیا کی باقیات کے ساتھ نہیں، نظام عدل میں ریفارمز لانے کی ضرورت ہے۔

فیصل کریم کنڈی کا مزید کہنا تھا کہ اتحادیوں کی طرف سےکچھ چیزیں آ رہی ہیں، اتنی جلدی نہیں کرنی چاہیے ورنہ بات نکلی تو دور تلک جائے گی۔ کہا جا رہا ہے کہ سندھ آئیں گے، کسی کو سندھ آنے سے نہیں روکا۔

انہوں نے کہا کہ کچھ پارٹیوں کو بیساکھیوں کی ضرورت ہوتی ہے، ہمیں نہیں، اب اگر کوئی ووٹ کو عزت دو کے نظریے سے بھاگا ہے تو ان کا کیا قصور ہے؟۔