لاہور (پاک صحافت) وفاقی وزیر داخلہ رانا ثناء اللہ نے کہا ہے کہ ہم سنت ابراہیمی پرعمل پیرا ہوکر ہی معاشرے کے کمزورطبقوں کی مدد کرسکتے ہیں۔ خیال رہے کہ سماجی رابطے کی ویب سائٹ ٹوئٹر پر رانا ثناء اللہ نے دنیا بھر کے مسلمانوں بلخصوص پاکستان میں عيدالاضحىٰ منانے والوں کو مبارکباد یتے ہوئے یہ پیغام دیا۔
تفصیلات کے مطابق وفاقی وزیر داخلہ رانا ثناء اللہ نے جاری بیان میں کہا کہ عید قربان کا اصل مفہوم ذاتی خواہشات پر اللہ کی منشا اور رضا کو من وعن تسلیم کرنا ہے۔ انہوں نے کہا کہ دعاگو ہوں کہ اللّٰہ تعالیٰ سنت ابراہیمی کی پیروی کرنے کرنے والے مسلمانوں کے جذبہ قربانی کو قبول فرمائے اور تمام مسلمان کی عبادات اور قربانیاں قبول فرمائے۔
واضح رہے کہ اس سے قبل فیصل آباد میں میڈیا سے گفتگو کرتے ہوئے انہوں نے کہا کہ دہشتگردی کا مستقل خاتمہ، تجارتی تعلقات کو فروغ دینا چاہتے ہیں۔ ملک کی خوشحالی و خود مختاری کے لیے تجربہ کار ٹیم دن رات کام کررہی ہے۔ ہم آج ان کے معاہدے اور شرائط کا خمیازہ بھگت رہے ہیں۔