گجرات (پاک صحافت) پی پی پی کے رہنما قمر زمان کائرہ کا کہنا ہے کہ ہم الیکشن کیلئے تیار ہیں، عمران خان کو نانی یاد آئے گی۔
تفصیلات کے مطابق پیپلزپارٹی کے مرکزی رہنما قمر زمان کائرہ نے کہا ہے کہ عمران خان فوج کے سربراہوں کو غدار کہتا ہے، فوج کو گالیاں دیتا ہے، میر صادق، میر جعفر کہتا ہے، آج پاکستان بڑے مشکل حالات میں ہے، پنجاب حکومت نے اسمبلی توڑ کر کوئی غیر آئینی کام نہیں کیا۔
قمر زمان کائرہ کا مزید کہنا تھا کہ سعودی عرب نے 1 ارب ڈالر کے تیل دینے کا معاہدہ کیا ہے، لیڈر قوموں کو خواب دیکھاتے ہیں، عمران خان خواب نہیں سراب دیکھاتا ہے۔ بلاول بھٹو کے وزیر خارجہ بننے کے بعد سعودی عرب راضی ہوا ہے۔ عمران خان کو ہاتھ جوڑ کر کہتے ہیں الیکشن لڑو مگر پاکستان کیساتھ نہ لڑو، ہماری جماعتوں کے اندر بھی خرابیاں ہیں، اب ان کیلئے بھی لڑنا ہوگا، روز ہمارے ساتھ فراڈ ہوتے ہیں عوام نے ساری قیادتوں کو دیکھ لیا ہے، فوجی قیادتوں کو بھی عوام نے دیکھ لیا ہے۔