اسلام آباد (پاک صحافت) رہنما مسم لیگ ن بلال اظہر کیانی نے کہا ہے کہ ہمارے تحفظات اپنی جگہ، عمران خان دوبارہ یوٹرن نہ لے لیں۔
تفصیلات کے مطابق بلال اظہر کیانی نے کہا ہے کہ دوسری نشست میں توقع تھی پی ٹی آئی مطالبات پیش کرے گی، پہلی اور دوسری نشست میں اچھے ماحول میں گفتگو ہوئی، پی ٹی آئی نے مشاورت کے لیے مزید ایک ہفتے کا وقت مانگا ہے۔
انہوں نے کہا کہ نومئی کے مجرمان کی سزا اگرمعاف ہوگئی ہے تو ٹھیک ہے، نومئی کو سنگین جرائم ہوئے، حکومت اپنا کام کررہی ہےہمیں کوئی پریشانی نہیں ہے۔
رہنما مسلم لیگ ن کا کہنا تھا کہ تحریک انصاف نے بار بار پہلے مذاکرات سے انکار کیا تھا، ہمارے تحفظات اپنی جگہ ہیں، کہیں بانی پھرسے یوٹرن نہ لے لیں۔
بلال اظہر کیانی نے مزید کہا کہ نو مئی کا اعتراف جرم کے بعد19 مجرمان نےمعافی مانگی جبکہ ایک سوال کے جواب میں انہوں نے کہا کہ پیپلزپارٹی کے ساتھ معاملات کو حل کر لیں گے۔