سوات (پاک صحافت) امیر مقام کا کہنا ہے کہ ہماری حکومت عدلیہ کی آزادی پر بھرپور یقین رکھتی ہے۔
تفصیلات کے مطابق وفاقی وزیر برائے سیفران اور امور کشمیر و گلگت بلتستان انجینئر امیر مقام نے کہا ہے کہ وکلا کو قانون اور آئین کی بالادستی کے لیے کام کرنا چاہیے۔ مرکزی حکومت مضبوط ہے اور اپنی پانچ سالہ مدت پوری کر کے پاکستان کے مسائل پر قابو پا کر رہیں گے۔
امیر مقام کا مٹہ بار کونسل ایسوسی ایشن کی تقریب حلف برداری سے خطاب کرتے ہوئے مزید کہنا تھا کہ وزیراعظم شہباز شریف کی دن رات محنت رنگ لارہی ہے۔ ہم نے ہمیشہ عوام کی بلاامتیاز خدمت کی ہے، ہر مشکل میں قوم کے ساتھ کھڑے رہے ہیں۔
تقریب میں پارٹی رہنماوں، علاقہ عمائدین اور وکلا برادری نے کثیر تعداد میں شرکت کی۔ وفاقی وزیر نے اس موقع پر مٹہ بار کے لیے 20 لاکھ روپے گرانٹ دینے کا اعلان بھی کیا۔
Short Link
Copied