پشاور (پاک صحافت) پاراچنار کے وفد نے خیبر پختونخوا کے گورنر فیصل کریم کنڈی سے گورنر ہاؤس میں ملاقات کی۔
تفصیلات کے مطابق وفد نے گورنر کے پی فیصل کریم کنڈی کو کرم کے موجودہ حالات سے آگاہ کیا۔ وفد نے ملاقات کے دوران 3 ماہ سے شاہراہ کی بندش سے ادویات، اشیائے خوراک کی کمی اور دیگر مشکلات سے آگاہ کیا۔ اس دوران گورنر کے پی نے کہا کہ علاقائی، صوبائی اور ملکی سطح پر متحد ہو کر امن دشمنوں کو شکست دینی ہوگی۔
ذرائع کے مطابق اس سے قبل گورنر خیبر پختون خوا فیصل کریم کنڈی نے اپنے ایک بیان میں کہا تھا کہ ملک میں مذہبی ہم آہنگی انتہائی ضروری ہے۔
پشاور میں بین المذاہب ہم آہنگی کانفرنس سے خطاب کرتے ہوئے انہوں نے کہا کہ امید ہے کہ ملک کی سلامتی کے لیے تمام مذاہب ساتھ مل کر کام کریں گے، رنگ، نسل و زبان سے کسی کو برتری حاصل نہیں۔
Short Link
Copied