کراچی (پاک صحافت) گورنر سندھ کامران ٹیسوری کا کہنا ہے کہ 300 یونٹ تک بجلی استعمال کرنے والے کرایہ داروں کو فری سولر لگا کر دیں گے۔
تفصیلات کے مطابق گورنر سندھ کامران ٹیسوری نے کہا ہے کہ غریبوں کو سہولیات فراہم کرنے کے حوالے سے ہمیں گرین سگنل مل گیا ہے، سولر لگانے کے کوئی چارجز نہیں لئے جائیں گے، مشکل معاشی حالات کی وجہ سے لوگ پریشان ہیں، ہم نے اس کلچر کو تبدیل کر دیا۔
گورنر سندھ کا مزید کہنا تھا کہ سانگھڑ میں ایک اونٹنی کا پاؤں کاٹ دیا گیا، اونٹنی کے مالک کو دو اونٹ دینے کا اعلان کرتا ہوں، جس نے بھی اونٹنی پر ظلم کیا ہے اس کو قانون کے مطابق سزا دی جائے گی۔ اس سال بھی گورنر ہاوس میں 100 اونٹوں کی قربانی ہوگی، قربانی کا گوشت مستحقین تک پہنچایا جائے گا۔
کامران ٹیسوری نے کہا کہ مخیر حضرات کو آج گرین سگنل مل گیا ہے، پہلے گورنر صرف فائلیں سائن کرتا تھا لیکن اب کام بھی کرکے دکھائے گا۔ مشکل وقت میں اسٹیٹس کو کو توڑنا ہوگا، مخیرحضرات مشکل وقت میں غریب لوگوں کی مدد کریں، ہمیں غریب لوگوں کا مسیحا بننا ہوگا۔