اسلام آباد (پاک صحافت) وفاقی وزیر قانون اعظم نذیر تارڑ نے مشورہ دیا ہے کہ خیبرپختونخوا حکومت گورنر کے ساتھ ملکر پارا چنار کے مسئلے پر بیٹھے۔
تفصیلات کے مطابق وفاقی وزیر قانون اعظم نذیر تارڑ نے قومی اسمبلی میں اظہار خیال کرتے ہوئے کہا ہے کہ پاراچنار میں جو کچھ ہورہا ہے، پوری قوم اس پر رنجیدہ ہے، صوبائی حکومت کو وفاق نے ہر طرح کے تعاون کی یقین دہانی کرائی ہے۔
انہوں نے کہا کہ خیبرپختونخوا میں آل پارٹیز کانفرنس میں علی امین گنڈا پور نے شرکت نہیں کی، وزیراعلی خیبرپختونخوا وفاق کو خط اور دھمکیاں دینے کے بجائے فوری امن و امان کے لیے اقدامات کریں۔
اعظم نذیرتارڑ کا مزید کہنا تھا کہ خیبرپختونخوا حکومت گورنر کے ساتھ ملکر پارا چنار کے مسئلے پر بیٹھے، آئینی فریم ورک میں امن و امان کا مسئلہ صوبائی معاملہ ہے۔
Short Link
Copied