لاہور (پاک صحافت) رانا مشہود کا کہنا ہے کہ دنیا کا ہر مذہب بتاتا ہے کہ مایوسی گناہ ہے، کچھ لوگ پاکستان کو شام اور لبنان جیسا ملک بنانا چاہتے ہیں۔
تفصیلات کے مطابق لاہور میں تقریب سے خطاب کرتے ہوئے نے رانا مشہود نے کہا ہے کہ نوازشریف کے جانے کے بعد جتنی جلدی سے ترقی کرنی چاہیے تھی ویسی ترقی نہیں ہوئی۔ پاکستان کی بنیادوں کو ہلانے کے لیے ہر طرح سے حملے کیے جا رہے ہیں۔
رانا مشہود کا مزید کہنا تھا کہ یہاں معاشرے کو تقسیم کرنے کی سازش کی جا رہی ہے، آئی ایم ایف کو 2016ء میں خیرباد کہا گیا مگر اسے دوبارہ مسلط کیا گیا، آئندہ سال کا بجٹ ہم آئی ایم ایف کے بغیر لے کر آئیں گے۔
انہوں نے کہا کہ آئی ٹی سیکٹر کو حکومت کی طرف سے جو سپورٹ چاہیے ہوگی ہم کریں گے، ہم آئی ٹی انڈسٹری کو 25 بلین ڈالرز تک پہنچانا چاہتے ہیں، آئی ٹی کی اہمیت کے پیش نظر مفت لیپ ٹاپ دیے، فری وائی فائی کا پنجاب میں آغاز کیا۔