کشمیریوں سے محبت ہمارے خون میں شامل ہے،  کامران ٹیسوی

کراچی (پاک صحافت) گورنر سندھ کامران خان ٹیسوری نے یوم یکجہتی کشمیر پر اپنا خصوصی پیغام جاری کیا ہے۔ کامران خان ٹیسوری نے اپنے پیغام میں کہا کہ پوری قوم اپنے مظلوم کشمیری بھائیوں کے ساتھ کھڑی ہے۔

تفصیلات کے مطابق گورنر سندھ کامران ٹیسوری نے اپنے پیغام میں کہا کہ حق خود ارادیت بین الاقوامی قانون کا بنیادی اصول ہے، عالمی برادری کو مسئلہ کشمیر ہر صورت حل کرنا ہوگا اور بھارت کے ظالمانہ قوانین کو منسو خ کرنا ہوگا۔

واضح رہے کہ گورنر سندھ کامران ٹیسوری نے اپنے پیغام میں مزید  کہا کہ کشمیریوں سے محبت ہمارے خون میں شامل ہے۔ اُنہوں نے یہ بھی کہا کہ کشمیری بھائیوں کی سیاسی، اخلاقی اور سفارتی حمایت جاری رہے گی۔