لاہور (پاک صحافت) وزیراعلی پنجاب مریم نواز شریف نے کہا کہ کسان ہمارے بھائی ہیں، ان کے مفاد کا ہر صورت تحفظ کیا جائے گا۔
تفصیلات کے مطابق وزیراعلی پنجاب مریم نواز شریف کے زیر صدارت گندم کی کٹائی سے قبل صورتحال کا جائزہ اجلاس ہوا، گندم کی ریکارڈ پیداوار پر پنجاب کے کسان کو شاباش، زبردست خراج تحسین پیش گیا۔
ذرائع کے مطابق مریم نواز شریف نے کہا کہ گندم کے کاشتکاروں کو حکومت پنجاب کی طرف سے ایک ہزار ٹریکٹر مفت دیئے گئے، پنجاب میں گندم کی آزادانہ نقل و حمل کی اجازت ہے۔
اجلاس میں پرائیویٹ سیکٹر کے ذریعے گندم کی خریداری کا فیصلہ کیا گیا، فری مارکیٹ اور ڈی ریگولیشن کی پالیسی جاری بھی رکھنے کا فیصلہ کیا گیا۔
Short Link
Copied