اسلام آباد (پاک صحافت) کرغزستان کے دارالحکومت بشکیک سے ایک اور پرواز 100 سے زائد پاکستانی طلباء کو لے کر اسلام آباد پہنچ گئی۔
تفصیلات کے مطابق کرغزستان میں پھنسے پاکستانی طلباء کے کو واپس لے کر ایک پرواز لاہور ایئرپورٹ جبکہ ایک پرواز اسلام آباد ایئرپورٹ پر لینڈ کرگئی۔
خصوصی پرواز بشکیک سے اسلام آباد پہنچی تو ایئرپورٹ پر موجود وفاقی وزیر مصدق ملک نے طلباء کا استقبال کیا۔
بشکیک سے اسلام آباد آنے والی پرواز شام 7 بج کر 45 منٹ پر اسلام آباد ایئرپورٹ پر پہنچی، پرواز اے کے این 4575 میں 140 مسافروں کو لایا گیا۔
پرواز میں 100 سے زائد طلبہ اسلام آباد پہنچے ہیں، اسلام آباد ایئرپورٹ پر طلباء کے اہلخانہ اور عزیز و اقارب بھی موجود تھے۔
دوسری جانب خصوصی طیارہ بشکیک سے پاکستانی طلباء سمیت دیگر 180مسافروں کو لے کر لاہور ایئرپورٹ پہنچ گیا۔
بشکیک سے پرواز کے اے 6571 لاہور ایئرپورٹ پہنچ گئی، بشکیک سے طلباء سمیت کل 180 مسافروں کو لے کر پرواز کو شام 7 بجے لاہور پہنچنا تھا لیکن تکنیکی مسائل کے باعث تاخیر کا سامنا کرنا پڑا۔
ادھر بیشکیک سے آنے والے زخمی طلباء کے لیے ایمبولینس بھی لاہور ائیر پورٹ پر موجود ہیں، زخمی طلباء کو موقع پر طبعی امداد دی جائے گی۔
لاہور ایئرپورٹ پر ریسکیو اہلکار بھی تعینات ہیں جبکہ طلباء کے والدین بھی ایئرپورٹ پر موجود ہیں۔