paksahafat پاک صحافت
Related Articles
کراچی (پاک صحافت) سی ٹی ڈی نے کراچی کے علاقے سہراب گوٹھ میں کارروائی کرتے ہوئے کالعدم ٹی ٹی پی حافظ گل بہادر گروپ کے 2 دہشت گردوں کو گرفتار کر لیا ہے۔
تفصیلات کے مطابق ڈی آئی جی سی ٹی ڈی آصف اعجاز شیخ نے کہا ہے کہ اینٹی ٹیرا رزم فنانسنگ یونٹ سی ٹی ڈی نے سہراب گوٹھ، جنجال گوٹھ میں کارروائی کر کے 2 دہشت گردوں ابوذر اور یعقوب مسعود کو گرفتار کرلیا، ملزمان کا تعلق کالعدم تحریک طالبان پاکستان حافظ گلبہار گروپ سے ہے۔
ذرائع کے مطابق آصف اعجاز شیخ کا مزید کہنا تھا کہ گرفتار ملزمان سوشل میڈیا نیٹ ورک کے ذریعے افغانستان میں کالعدم ٹی ٹی پی قیادت سے رابطے میں تھے، گرفتار ملزمان تحریک طالبان پاکستان کے لیے فنڈز جمع کرتے تھے۔
ڈی آئی جی سی ٹی ڈی نے بتایا کہ دونوں ملزمان کا تعلق وزیرستان سے ہے، جو حال ہی میں فنڈنگ آپریشن کے لیے کراچی واپس آئے تھے، ملزمان کو سی ٹی ڈی شعبہ تفتیش اینٹی ٹیرارزم یونٹ نے گرفتار کیا۔
