لاہور (پاک صحافت) سپیکر پنجاب اسمبلی ملک احمد خان نے کہا کہ ڈیل کا تاثر وہ دے رہے ہیں جن کو بنیادی باتوں کی وضاحت کی ضرورت ہے۔
تفصیلات کے مطابق میڈیا سے گفتگو کرتے ہوئے سپیکر پنجاب اسمبلی ملک احمد خان کا کہنا تھا کہ پاکستان میں معاشی اور سیاسی استحکام آ رہا ہے، بانی پی ٹی آئی نے اپنی کابینہ کو دھوکا دیا، عہدے کا ناجائز استعمال کیا، اس سے پہلے ایسی کرپشن نہیں دیکھی۔ بانی پی ٹی آئی کے پاس حق ہے کہ عدالتی فیصلے کو چیلنج کرسکیں، جب حکومت بنی تھی تو فارم 45 اور 47 کا شور مچا تھا، فیصل آباد میں بڑے بڑے برج الٹ گئے۔
سپیکر پنجاب اسمبلی ملک احمد خان کا مزید کہنا تھا کہا کہ فیصل آباد میں ن لیگ کو کلین سویپ ہوگیا کسی کے پاس دھاندلی کے کوئی شواہد نہیں، یہ پلانٹڈ ایجنڈا ہوتا ہے۔ پی ٹی آئی نے ججز اور اسٹیبلشمنٹ کی حمایت حاصل کی، شہریوں کے ساتھ ریاست کا معاہدہ ہو رہا ہے، صحت اور معاشی سہولیات بہتر ہو رہی ہیں۔
انہوں نے کہا کہ انہیں 2018 میں ججز اور اسٹیبلشمنٹ کی پشت پناہی حاصل تھی، اب ریاست اور عوام میں ایک نیا معاہدہ سامنے آ رہا ہے، 6 ماہ بعد آپ دیکھیں گے بڑی بہتری آئے گی۔