گجرات (پاک صحافت) پاکستان پیپلز پارٹی کے رہنما قمر زمان کائرہ کا کہنا ہے کہ مطالبہ کرتے ہیں کہ کسانوں کو گندم کی قیمت دی جائے۔
تفصیلات کے مطابق کسان ونگ کنونشن سے خطاب کرتے ہوئے قمر زمان کائرہ نے کہا کہ پی پی پی نے ہر دور میں کسانوں کی خدمت کی ہے۔ آج ملک کی بقاء کا معاملہ ہے، کسانوں کو تحفظ دیا جائے۔ پی پی کے کارکن مشتعل ہیں، ہمارے قائدین کو اپنی جماعت پیاری ہے۔
ذرائع کے مطابق رہنما پیپلز پارٹی قمر زمان کائرہ کا مزید کہنا تھ کہ ہمیں یہ کہا گیا تھا ڈھائی ڈھائی سال حکومت کرلیں جبکہ بلاول بھٹو زرداری نے انکار کرتے ہوئے انہیں حکومت دی۔ مئی میں ہم نے الیکشن کا مطالبہ مان لیا تھا کہ جون کے بعد الیکشن ہوں گے مگر خان صاحب نہیں مانے۔
انہوں نے کہا کہ بانیٔ پی ٹی آئی نے کہا تھا کہ سب سے بات کروں گا مگر پی پی پی اور ن لیگ سے نہیں۔