پی پی نے کراچی میں بھتہ، لاشیں اور ہڑتالیں بند کروادیں۔ شرجیل میمن

حیدرآباد (پاک صحافت) سینئر صوبائی وزیر سندھ شرجیل انعام میمن نے کہا ہے کہ پیپلز پارٹی نے کراچی میں بھتہ، بوری بند لاشیں اور ہڑتالیں بند کروادیں۔

تفصیلات کے مطابق تقریب سے خطاب میں شرجیل انعام میمن نے کہا کہ پیپلز پارٹی صوبے میں امن اور ترقی چاہتی ہے، ہم نے بھائی کو بھائی سے لڑانے کی سازشیں ناکام بنادیں۔

شرجیل  میمن کا مزید کہنا تھا کہ دریائے سندھ سے کسی صورت کینال نکالنے کی اجازت نہیں دیں گے، پیپلز پارٹی نہروں کے مسئلے پر اپنے مؤقف سے پیچھے نہیں ہٹے گی۔

انہوں نے کہا کہ پیپلز پارٹی نے کراچی میں بھتے، بوری بند لاشیں، ہڑتالیں بند کروادیں، ہم سندھ میں امن اور ترقی چاہتے ہیں۔ لوگ پیپلز پارٹی کو وفاقی حکومت کا حصہ سمجھتے ہیں، ہمارا وفاقی حکومت سے کوئی تعلق نہیں۔