اسلام آباد (پاک صحافت) پی ٹی آئی کی مرکزی قیادت کی اکثریت نے خود کو عمران خان کی اہلیہ بشری بی بی کے بیان سے الگ کرنے کا فیصلہ کرلیا۔
تفصیلات کے مطابق بشری بی بی کے بیان پر پی ٹی آئی کی قیادت میں تشویش پائی جاتی ہیں، بانی چیئرمین کی اہلیہ کو کسی بھی معاملے سے پہلے پارٹی سے مشاورت کا کہہ دیا گیا ہے۔ 24 نومبر کو احتجاج میں بشری بی بی شامل ہوں گی مگر کردار مرکزی نوعیت کا نہیں ہوگا۔
ذرائع کے مطابق بشری بی بی نے مشال یوسفزئی کے ذریعے بانی پی ٹی آئی کو پیغام پہنچانے کی کوشش کی، جنہیں آج اڈیالہ جیل میں ملاقات کی اجازت نہیں مل سکی۔
ذرائع کے مطابق پارٹی قیادت کی تشویش پر بانی پی ٹی آئی کا بشری بی بی کوسیاست سے دور رہنے کا حکم دیا ہے۔