لاہور (پاک صحافت) پی ٹی آئی جنوبی پنجاب کے صدر عون عباس بپی نے پارٹی سے علیحدگی کا اعلان کردیا ہے۔
تفصیلات کے مطابق سینیٹر عون عباس بپی نے ویڈیو پیغام کے ذریعے پارٹی سے علیحدگی کا اعلان کیا۔ انہوں نے کہا کہ 9 مئی کے واقعات کی مذمت کرتا ہوں، میں سمجھتا ہوں یہ پاکستان کی تاریخ میں سیاہ دھبہ ہے۔
پی ٹی آئی رہنما کا مزید کہنا تھا کہ یہ قوم اور پاک فوج لازم و ملزوم ہیں۔ تحریک انصاف جنوبی پنجاب کی صدارت سے مستعفی ہوتا ہوں۔
انہوں نے کہا کہ تھوڑے عرصے کیلئے سیاست سے بھی دستبردار ہونے کا بھی اعلان کرتا ہوں۔