paksahafat پاک صحافت
Related Articles
اسلام آباد (پاک صحافت) چیئرمین پی ٹی آئی (نظریاتی) اختر اقبال ڈار نے عمران خان کے سوشل میڈیا پر تمام اکاؤنٹس بلاک کرنے کا مطالبہ کردیا ہے۔
تفصیلات کے مطابق پی ٹی آئی نظریاتی کے چیئرمین اختر اقبال ڈار نے ٹیلی کمیونیکیشن اتھارٹی کو خط لکھا ہے جس میں انھوں نے بانی پی ٹی آئی عمران خان کے سوشل میڈیا پر تمام اکاؤنٹس بلاک کرنے کا مطالبہ کیا ہے۔
خط میں کہا گیا ہے کہ بانی پی ٹی آئی فیس بک، ٹوئٹر اکاؤنٹس کے ذریعے شرپسندی کو فروغ دے رہے ہیں، ملک کے نوجوانوں کو نفرت انگیز بیانیہ دینے والے پاکستان کے خیر خواہ نہیں۔
خیال رہے کہ چند روز قبل بانی پی ٹی آئی عمران خان کے ”ایکس“ اکاؤنٹ سے ایک ویڈیو اپ لوڈ اور ٹوئٹ کی گئی تھی، اس ویڈیو کے ساتھ کیپشن میں لکھا گیا تھا کہ ہر پاکستانی کو حمود الرحمان کمیشن رپورٹ کا مطالعہ کرنا اور یہ جاننا چاہیے کہ اصل غدار تھا کون جنرل یحی خان یا شیخ مجیب الرحمان۔
