اسلام آباد (پاک صحافت) رہنما مسلم لیگ ن طلال چودھری نے کہا ہے کہ پی ٹی آئی ایک طرف پاؤں اور دوسری طرف گریبان پکڑ رہی ہے۔
تفصیلات کے مطابق طلال چودھری نے کہا ہے کہ بانی کے خطوط کی سیریز نفرت کا بیانیہ ہے، یہ خطوط کے ذریعے اداروں پر حملہ آور ہورہے ہیں۔ پی ٹی آئی نفرت کا بیانیہ بناتی ہے، چور کوتوال کو خط لکھے گا، توکوتوال قانون کےمطابق عمل کرے گا، پی ٹی آئی بیک ڈور بات چیت سےمتعلق صرف بیانیہ بناتی ہے، ٹی آئی اپنے ورکرز کو امید دینے کے لیے ایسی باتیں کرتی ہے۔
ذرائع کے مطابق رہنما مسلم لیگ ن طلال چوہدری کا مزید کہنا تھا کہ پی ٹی آئی ایک طرف پاؤں اور دوسری طرف گریبان پکڑرہی ہے، پی ٹی آئی 700 ارب کی چوری نہ کرتی تو 70 یونیورسٹیاں بنتیں۔
انہوں نے کہا کہ کورٹ پیکنگ نہیں ہورہی ہے، آئین کا حلف اٹھا کرآئین کی عمل داری روکنے کی کوشش نہیں کرنی چاہیے، مولانا فضل الرحمان بھی کہہ چکے ہیں کہ 26ویں ترمیم میں انہوں نے پی ٹی آئی کی جنگ لڑی۔