اسلام آباد (پاک صحافت) پاکستان پیپلز پارٹی (پی پی پی) نے چیف جسٹس پاکستان کی تعیناتی کمیٹی کیلئے 3 نام دے دیے ہیں۔
تفصیلات کے مطابق پارلیمانی کمیٹی کے لیے پیپلز پارٹی نے نوید قمر، راجہ پرویز اشرف اور فاروق ایچ نائیک کے نام بھجوا دیے، خصوصی کمیٹی چیف جسٹس کے نام کا اعلان کرے گی۔
خیال رہے کہ سینیٹ اور قومی اسمبلی سے آئینی ترمیم منظور ہونے کے بعد 26ویں آئینی ترمیم پر صدرِ مملکت آصف علی زرداری نے دستخط کر دیے، جس کے بعد 26ویں آئینی ترمیم کا گزٹ نوٹیفکیشن جاری کر دیا گیا۔
آئینی ترمیم بل 2024ء ایکٹ آف پارلیمنٹ بن گیا، گزٹ نوٹیفکیشن جاری ہونے کے بعد 26ویں آئینی ترمیم فوری طور پر نافذ العمل ہو گئی۔
ترمیم کے بعد سب سے پہلے خصوصی کمیٹی کا قیام عمل میں لایا جائے گا، آرٹیکل 175 اے کی شق 3 کے تحت کمیٹی نئے چیف جسٹس کا تقرر عمل میں لائے گی۔
Short Link
Copied