لاہور (پاک صحافت) پاکستان پیپلز پارٹی کے چیئرمین بلاول بھٹو زرداری کا کہنا ہے کہ پیپلز پارٹی حکومت کے لیے نہیں عوامی خدمت کے لیے سیاست کرتی ہے۔ بلاول بھٹو زرداری نے جاری بیان میں یہ بھی کہا کہ ہماری کسی سے ذاتی لڑائی نہیں، ہمارا مسئلہ عوام کے بنیادی حقوق ہیں۔
تفصیلات کے مطابق بلاول ہاؤس لاہور میں پیپلز پارٹی میں شمولیت اختیار کرنے والے والی شخصیات سے پی پی چیئرمین بلاول بھٹو زرداری نے خصوصی ملاقات کی، اس موقع پر بلاول نے انہیں مبارک باد بھی پیش کی اور کہا کہ آج بھی روٹی، کپڑا اور مکان کا نعرہ اہم ہے، جتنا 70 کی دہائی میں تھا۔
واضح رے کہ بلاول ہاؤ س لاہور میں اظہار خیال کرتے ہوئے پی پی چیئرمین نے کہا کہ پیپلز پارٹی کی بنیاد لاہور میں رکھی گئی، پنجاب کے دل لاہور کو ہم نے جیتنا ہے۔اُن کا کہنا تھا کہ پیپلز پارٹی نے ماضی میں پنجاب کے عوام کو روزگار دیا، پی پی ہی اب بھی یہاں کے عوام کو روزگار دے سکتی ہے۔