اسلام آباد (پاک صحافت) شاہد خاقان عباسی کا کہنا ہے کہ پیٹرول کی بڑھتی قیمتوں کا حکومت سے کوئی تعلق نہیں ہے۔
تفصیلات کے مطابق سابق وزیراعظم اور رہنما مسلم لیگ (ن) شاہد خاقان عباسی نے کہا ہے کہ اداروں کو آین کے دارے میں رہ کر کام کرنا ہوگا، الیکشن میں پتہ چلے گا کون کمزور ہے اور کون نہیں؟ نواز شریف واپس آئیں گے، ان کے آنے سے پارٹی کو تقویت ملے گی، وہ علاج کروانے گے تھے، علاج کروا کر پاکستان واپس آجائیں گے۔
شاہد خاقان عباسی کا مزید کہنا ہے کہ آپ بھول جاتے ہیں نواز شریف کے ساتھ کیا ہوا، ان کی چلتی حکومت کو توڑ کر انہیں سیاست سے الگ کرنے کی کوشش کی گئی، جج کو بلیک میل کر کے یہ فیصلہ کروایا گیا، انٹرنیشنل مارکیٹ میں پیٹرول کی قیمتیں اوپر نیچے ہوتی رہتی ہیں۔
انہوں نے کہا کہ پیٹرول کی قیمت بڑھانے کے لئے وزیر کی پریس کانفرنس کرنا ٹھیک نہیں، اوگرا کا کام ہے کہ وہ پیٹرول کی نئی قیمتوں کا اعلان کرے۔