پہلے ہی کہا تھا رواں سال پی ٹی آئی میں اختلافات بڑھیں گے۔ منظور وسان

منظور وسان

کراچی (پاک صحافت) پیپلز پارٹی کے سینئر رہنما منظور وسان نے کہا ہے کہ پہلے ہی کہا تھا رواں سال پی ٹی آئی میں اختلافات بڑھ جائیں گے۔

تفصیلات کے مطابق میڈیا سے گفتگو کرتے ہوئے منظور وسان نے کہا ہے کہ پی ٹی رہنما ایک دوسرے کو تھپڑ مار رہے ہیں، اس سے بھی زیادہ ان کے اختلافات بڑھیں گے، بانی پی ٹی آئی کی رہائی کے امکانات نہیں ہوں گے تو یہ آپس میں لڑیں گے۔ میں نے پہلے کہا تھا کہ 2025 میں پی ٹی آئی میں اختلافات بڑھ جائیں گے،انٹرنیشنل قوتوں کا جس طرح انتظار کیا جارہا تھا اب ان کی طرف سے رسپانس نہیں آرہا، بھٹو صاحب کی شہادت کے بعد ہماری پارٹی کو بھی توڑنے کی کوشش کی گئی، لیکن الحمدللہ اس کے بعد بھی پیپلزپارٹی کمزور نہ ہوئی۔

سینئر رہنما پیپلزپارٹی منظور وسان کا مزید کہنا تھا کہ پی ٹی آئی کی سیاسی جڑیں اب پیپلزپارٹی جیسی نہیں رہیں، پی ٹی آئی میں شامل ہونے والے اچانک آئے اور اچانک چلے جائیں گے، بانی پی ٹی آئی سے بہت غلطیاں ہوئی ہیں، مزید غلطیاں نہ کریں تو بہتر ہے۔

انہوں نے کہا کہ پیپلز پارٹی نے ہمیشہ صحافیوں کے حق میں بات کی ہے پیکا ایکٹ پر باتیں ہونی چاہیے، ملک ترقی کی راہ پر گامزن ہے فنڈر ملتے ہیں تو انہیں واپس بھی کرتے ہیں، آئی ایم ایف کی کچھ شرائط عوام کی فیور میں نہیں جیسے زراعت پر ٹیکس۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے