لاہور (پاک صحافت) پاکستان تحریک انصاف (پی ٹی آئی) چیئرمین سابق وزیر اعظم عمران خان نے اعتراف کیا ہے کہ انہوں نے پنجاب اور خیبر پختونخوا کی صوبائی اسمبلیاں سابق آرمی چیف جنرل (ر) باجوہ کے مشورے پر تحلیل کی تھیں۔
تفصیلات کے مطابق حالیہ انٹرویو کے دوران پی ٹی آئی چیئرمین عمران خان نے اس بات کا اعتراف کیا کہ انہیں سابق آرمی چیف جنرل (ر) باجوہ نے صوبائی اسمبلیاں تحلیل کرنے کا کہا تھا۔ انہوں نے بتایا کہ جنرل باجوہ کا کہنا تھا کہ اگر پی ٹی آئی نئے انتخابات چاہتی ہے تو اپنی حکومتیں ختم کردیں۔
واضح رہے کہ انٹرویو کے دوران عمران خان نے مزید بتایا کہ جنرل باجوہ نے ایکسٹینشن کا پلان کیا ہوا تھا۔ جنرل باجوہ کا کوئی نظریہ نہیں تھا، جنرل باجوہ اور ایجنسی کو پتہ تھا کہ یہ لوگ پیسہ چوری کر کے باہر لے گئے ہیں۔