پشاور (پاک صحافت) پشاور حملے سے متعلق اطلاع دینے والے کیلئے ایک کروڑ روپے انعام کا اعلان کردیا گیا ہے۔
تفصیلات کے مطابق کاونٹر ٹررازم ڈیپارٹمنٹ نے سول لائن پشاور کے سہولت کاروں کی گرفتاری میں مدد کے لیے اشتہار جاری کردیا ہے۔ سی ٹی ڈی حکام نے اشتہارمیں شہریوں سے درخواست کی ہے کہ وہ پشاور دھماکے کے سہولت کاروں کی گرفتاری میں مدد کریں، سہولت کاروں سے متعلق معلومات دینے والے کو ایک کروڑ روپے انعام دیا جائے گا۔
سی ٹی ڈی حکام کی جانب سے جاری اشتہار میں مزید کہا گیا ہے اطلاع دینے والے کا نام بھی صیغہ راز میں رکھا جائے گا۔ واضح رہے کہ سول لائنز پشاور کی مسجد میں ہونیوالے خودکش دھماکے میں 80 سے زائد افراد شہید جبکہ درجنوں زخمی ہوئے تھے۔
Short Link
Copied