اسلام آباد (پاک صحافت) چیئرمین پیپلز پارٹی بلاول بھٹو زرداری نے کہا کہ پرانی سیاست اور نفرتوں کو ختم کرنا ہو گا۔ انہوں نے کہا کہ ہمیں مختلف سوچ کے حامل افراد کو جگہ دینا ہو گی، ہمیں پارلیمنٹ کے مشترکہ مفادات اور ملک کے لیے آگے بڑھنا ہو گا، عوام اور پاکستان کے لیے اکٹھے کوششیں کرنی ہوں گی۔
تفصیلات کے مطابق چیئرمین پیپلز پارٹی بلاول بھٹو زرداری نے آئینِ پاکستان کے 50 سال مکمل ہونے پر سپریم کورٹ بار ایسوسی ایشن کی تقریب کرتے خطاب کرتے ہوئے کہا کہ شاید میں پہلا سیاست دان ہوں جو اس پلیٹ فارم پر خطاب کر رہا ہوں۔ انہوں نے کہا کہ سپریم کورٹ نے آئین کی بالادستی کے لیے کام کیا۔
واضح رہے کہ بلاول بھٹو کا کہنا ہے کہ سپریم کورٹ نے ڈکٹیٹر کے خلاف اپنا کردار ادا کیا، اس گولڈن جوبلی پر مایوس تو نہیں لیکن مستقبل بہتر کرنا ہو گا۔ بلاول بھٹو زرداری نے کہا کہ میں مایوس نہیں ہوں کافی کچھ سیکھ گیا ہوں، میں یہ تو نہیں کہے سکتا کہ جمہوریت مضبوط ہوئی ہے، اتنا وعدہ کرتا ہوں کہ آنے والی نسل کا کل ہمارے آج سے بہتر ہو گا۔