پاکستان کا یمن کے لیے مذاکرات اور فوری انسانی امداد پر زور

اسلام آباد (پاک صحافت) سلامتی کونسل میں پاکستان نے یمن کے لیے مذاکرات اور فوری انسانی امداد پر زور دیا ہے۔ پاکستان کے مستقل مندوب منیر اکرم کا کہنا ہے کہ غزہ  میں  جنگ بندی معاہدے پر مکمل عمل درآمد اور تحفظ ضروری ہے۔

سلامتی کونسل میں پاکستان کے مستقل مندوب منیر اکرم نے کہا کہ پاکستان کو یمن میں بگڑتی صورتحال پر تشویش ہے۔ ان کا کہنا تھا کہ یمن تنازع سنگین انسانی، سیاسی، اقتصادی اور ماحولیاتی بحران کو جنم دے رہا ہے، فریقین امن معاہدوں پر مکمل عمل درآمد یقینی بنائیں۔

واضح رہے کہ پاکستان کے مستقل مندوب منیر اکرم نے مزید کہا کہ غزہ میں جنگ بندی معاہدے پر مکمل عمل درآمد اور تحفظ ضروری ہے۔