پشاور (پاک صحافت) پاکستان ریلویز نے پشاور سے کراچی کیلئے عوام ایکسپریس ٹرین بحال کردی ہے۔
تفصیلات کے مطابق عوام ایکسپریس کینٹ ریلوے سٹیشن سے کراچی کیلئے روانہ کردی گئی ہے۔ حکام نے بتایا کہ ٹرین 360 مسافروں کو لے کر 35 گھنٹوں میں کراچی پہنچے گی۔
ذرائع کے مطابق عوام ایکسپریس میں 1500 مسافروں کی گنجائش ہے اور کرایہ 4 ہزار روپے فی مسافر مقرر کیا گیا ہے۔
ریلوے حکام کے مطابق عوام ایکسپریس سروس اگست 2022 میں سیلاب کے باعث بند کردی گئی تھی۔
Short Link
Copied