پارلیمنٹ کا فیصلہ قوم کا فیصلہ ہوتا ہے جسے بلڈوز نہیں کیا جاسکتا۔ حافظ حمداللہ

اسلام آباد (پاک صحافت) حافظ حمداللہ کا کہنا ہے کہ پارلیمنٹ کا فیصلہ قوم کا فیصلہ ہوتا ہے جسے بلڈوز نہیں کیا جاسکتا ہے۔

تفصیلات کے مطابق ترجمان پاکستان ڈیموکریٹک موومنٹ (پی ڈی ایم) حافظ حمداللہ نے ایک بیان جاری کرتے ہوئے کہا ہے کہ پارلیمنٹ سپریم ہے، اس کی بالادستی کو تسلیم کرنا ہوگا۔ عدلیہ سمیت تمام ادارے پارلیمنٹ کی مرہون منت ہیں۔

حافظ حمداللہ کا مزید کہنا ہے کہ قانون سازی میں پارلیمنٹ پر کوئی قدغن نہیں لگائی جاسکتی ہے۔ پارلیمنٹ کے بنائے قوانین کا احترام نہ کرنا پارلیمنٹ اور قوم کی توہین ہے۔