اسلام آباد (پاک صحافت) وزیراعظم شہباز شریف نے فلسطینی طلبا کے لیے مفت تعلیمی سہولیات کا اعلان کیا ہے۔
تفصیلات کے مطابق فلسطینی طلبا کی تقریب سے خطاب کرتے ہوئے وزیراعظم شہباز شریف نے کہا ہے کہ پاکستان کے عوام مشکل وقت میں فلسطینیوں اور لبنانیوں کے ساتھ ہیں، ہمارے گھر اور تعلیمی ادارے فلسطینیوں کیلئے حاضر ہیں۔پاکستان آپ کا دوسرا گھر ہے، ہمارے دل آپ کے ساتھ دھڑکتے ہیں۔
وزیراعظم شہباز شریف نے مزید کہا کہ فلسطینی طلبا کو سرکاری اخراجات پر تعلیم کی سہولیات فراہم کی جائیں گی، پاکستان میں 145 فلسطینی طلبا کی موجودگی شروعات ہے۔ فلسطین میں شہر اور گاؤں کے گاؤں تباہی کا منظر پیش کررہے ہیں۔
انہوں نے کہا کہ سلامتی کونسل کی قراردادیں اور عالمی عدالت انصاف اسرائیل کے آگے بے بس ہے جبکہ عالمی برادری نے جنگ بندی کیلئے مؤثر کردار ادا نہیں کررہی۔
Short Link
Copied