paksahafat پاک صحافت
Related Articles
لاہور (پاک صحافت) وزیراعلی پنجاب مریم نواز نے عید کی چھٹیاں ختم ہونے پر مسافروں کی واپسی کے پیش نظر مقررہ کرایوں پر عملدرآمد یقینی بنانے کی ہدایات کی ہے۔
تفصیلات کے مطابق وزیراعلی پنجاب مریم نواز نے کہا ہے کہ مسافروں سے زیادہ کرایہ وصول کرنے والوں کیخلاف کارروائی کی جائے گی، اوور چارجنگ کی صورت میں مسافروں سے وصول کردہ کرایہ واپس کرائیں اور بس عملے پر جرمانہ عائد کیا جائے۔
مریم نواز کا مزید کہنا ہے کہ گاڑی کی فٹنس چیک کریں، قابل مرمت گاڑیوں کو ہرگز مسافروں کی زندگی خطرے میں ڈالنے کی اجازت نہ دی جائے، کسی روٹ پر گاڑیوں میں اوورلوڈنگ نہ کرنے دی جائے، ٹریفک قوانین کی مکمل پابندی کرائی جائے۔
خیال رہے کہ بقرعید کی چھٹیوں پر وزیر اعلی پنجاب نے ٹرانسپورٹرز کے حوالے سے نوٹی فکیشن جاری کیا تھا کہ تمام مسافروں سے مقررہ کرایہ وصول کیا جائے، اضافی کرائے کی وصولی پر قانونی کارروائی کی جائے گی۔
